Мектебімнің ауласы гүлденсін

                                  Мектебімнің ауласы гүлденсін 

                                                                          Өзін-өзі тану пәнінің мұғалімі:Тастемирова Г.К. 

12.04.2018ж. күні 4сынып оқушыларымен мектеп ауласында  оқудан тыс іс –әрекет өткіздім. Жоба «Көктемгі көгалдандыру акциясы» тақырыбында өтті. Жоба құндылығын «Дұрыс әрекет» деп алып, қасиеттерге  риясыз еңбек ету, қамқорлық, жауапкершілікті тірек еттім. Жоба өткізудегі мақсатым балаларды өз мектебінің айналасында көгалдандыру жұмысымен шұғылдандыру арқылы  табиғатты аялау, қорғаудың адамзаттың парызы екенін, әрі бұның дұрыс әрекет екенін ұғындыру болды. Мұндағы міндеттерім: табиғат пен адамның үйлесімділіктері туралы түсінік қалыптастыру; туған жер табиғатына деген сүйіспеншілігін арттыру,  табиғатты күту іскерліктерін дамыту; қоршаған ортаға қамқор болуға, экологиялық мәдениеттілікке тәрбиелеу еді. 

Оқудан тыс іс – әрекеттің жобасын даярлау жоспары бойынша дайындық жұмыстары жасалды: жобаны алдымен мектеп әкімшілігімен талқылап, көгалдандыру акциясына 4 сынып оқушыларын қатыстыратынымды айтып талқыланды. Содан кейін 4 сынып жетекшілерімен құрылған жоспармен бөлісіп, олардан қандай көмек қажет болатынымен айттым. Олар осындай игі іске көмек беруге даярлықтарын білдірді.Оқушылармен іс- шараның бағдарламасын дайындау үшін 4 сынып оқушыларымен және олардың ата –аналарымен әңгіме жүргіздім. Ата –аналар мектеп ауласын көгалдандыру үшін демеушілік жасауға келісті. Мектеп ауласынан гүл отырғызылатын аумақты бөліп алып алдын ала дайындап қойдым. 

Іс –шараны өткізу үшін өз кіріспе сөзімде іс – шараның мақсатын түсіндіре келе, бүгінгі «Көгалдандыру акциясының неліктен өткізілетінін, бұл шара біздің табиғатты қамқорлауға қосқан кішкентай үлесіміз екендігі жөнінде ақпарат берілді. Іс - шараның дәйексөзі ретінде «Табиғатсыз адамзаттың күні жоқ, табиғаттың мұны айтуға тілі жоқ» деген Р.Сәтімбековтің сөздерін айтып, өздері осы сөздерді қалай түсінетіндерін сұрадым. Олардың берген жауаптарын қорытындылап,  мектеп ауласында дайындалып қойылған жерге раушан гүлдер отырғыздық. Балалар кезегімен өздеріне дайындалған орындарға өздері әкелген раушан гүлдерін отырғызды. Топырағын үйіп, түбіне су құйды. Содан кейін, Е.Өтетілеуовтң сөзіне жазылған И.Нүсіпбаевтың «Жас дәуірдің түлегіміз» деген әні топпен айтылды. 

                        «Көктемгі көгалдандыру» іс-шарасы

       Соңында қорытындылау үшін балаларға алғыс айтылып, бүгінгі іс–шарадан алған әсерлері мен ақпаратты жүректерінде сақтап, ары қарай таратып жүріңдер деген тілекпен аяқтадым.