Қалдыбаева Гүлзира Бекболатқызының ұйымдастыруымен 1-11 сынып ата-аналар комитеті мүшелерінің жиналысы өткізілді.

2021ж. 18 мамыр күні ата-аналар комитетінің төрағасы Қалдыбаева Гүлзира Бекболатқызының ұйымдастыруымен 1-11 сынып ата-аналар комитеті мүшелерінің  жиналысы өткізілді. Жиналыстың күн тәртібінде 25 мамыр "Соңғы қоңырау" салтанатты іс-шарасының санитарлық ережелерді сақтай отырып,ашық алаңда өткізілуіне байланысты мектеп бітірушілердің құқық бұзушылығына жол бермеу,оның алдын алу туралы  тәрбие ісі жөніндегі орынбасары А.Алтыбаева ақпарат берді. Құқықтық тәрбие ісі жөніндегі орынбасары Қ.Тлеубердиева бүгінгі күннің өзекті мәселесіне айналып отырған төтенше жағдайлардың, оның ішінде балалардың өрт,судағы қауіпсіздіктері және  балкон,терезеден құлап кетудің алдын алу жөнінде ата-аналардың балаларды қараусыз қалдырмай, оқыс оқиғалардың алдын алуға щақырды. Сонымен қатар, терроризм актісінің қаупі туындаған немесе жасалуы мүмкін жағдайда халықтың білуі қажет іс-қимыл жаднамасымен таныстырып өтті. Ата-аналар комитетінің төрағасы Қалдыбаеа Гүлзира Бекболатқызы оқу жылының аяқталуына санаулы ғана күндер қалды, алда жаздық каникул күндерінің басталатындығына орай  балалардың бос уақытын дұрыс ұйымдастырып, олардың қаңғыбастықпен айналысуына жол бермеу , ата-ана жауапкершілігі бәрінен жоғары екендігі туралы айта келіп, сынып жетекшілері және мектеп әкімшілігімен тығыз байланыста болуға шақырды.