Тұрмыстық зорлық-зомбылықтың алдын алу

Отбасы – қазақы ортадағы қасиетті ұғым. Себебі ол – ізгі тәрбиелік қайнар көзі, мейірім-махаббат бастауы, саналы тұлға қалыптасуына негіз болар басты іргетасы. Баланың жеке тұлға ретінде қалыптасуы мен өсіп-дамуында, өмірде өз орнын тауып, аяғын нық басуында, табысқа қол жеткізуінде отбасында берген тәлім-тәрбиенің ықпалы  өте зор. Бірақ қазіргі таңда бала үшін ата-анасының үйі әрқашан ең қауіпсіз жер бола бермейтінін айғақтайтын фактілер жиі кездеседі. Бұның барлығы өсіп келе жатқан балалардың эмоциялары да қалыпты болмауына, ол ашу-ызаның ұлғаюына,   физикалық   агрессияға бейімділіктің  артуына әкеледі.