«Отбасының буллингке қарсы күрестегі рөлі» тақырыбында ата-аналармен тренинг

Т.Рысқұлов атындағы №48 орта мектебінде психологиялық-педагогикалық қолдау қызметі «Отбасының буллингке қарсы күрестегі рөлі» тақырыбында ата-аналармен тренинг өткізді.
Ата-аналарға жай мектептегі жанжал мен буллингтің айырмашылығы неде екендігі, баланың айналадағылармен қарым-қатынас ерекшеліктері, баланың буллингке ұшырағанын көрсететін белгілері, буллингтің алдын алудағы отбасының рөлі, отбасы тарапынан буллингтің алдын алу шаралары туралы ақпарат беріп, «Отбасылық айна», «Қолдау сөздері», «Қағаз адам» жаттығулары жүргізілді. Ата-аналармен бірге «Үнсіздік құрбаны» және «Сыныптағы агрессор» кейстері талқыланды, соңында Қазақстан Республикасында буллинг үшін қандай жаза қолданылатындығы туралы ескертіліп, халықаралық қимылдардың белгесі туралы видеоролик көрсетілді.
Ата-аналар берілген ақпаратты мұқият тыңдап, сұрақтар қойып, оларға жауап алды. Кейстерді талдау барысында өз пікірлерімен бөлісті. Сұрақ-жауап кезеңі өткізіліп, кері байланыс берілді. Қатысушылар өз пікірін ашық айтып, жаттығуларға белсене қатысты.