«Орта білім беру ұйымдарында білім алушылардың әлеуметтік желідегі қозғалысына, парақшаларына талдау жүргізе отырып, көңіл-күйіне назар салу және отбасының тұрақтылығына бақылау жасау» тақырыбында бірыңғай ата-аналар жиналысы

2024 жылдың 29 қазанында Т.Рысқұлов атндағы №48 орта мектебінде «Орта білім беру ұйымдарында білім алушылардың әлеуметтік желідегі қозғалысына, парақшаларына талдау жүргізе отырып, көңіл-күйіне назар салу және отбасының тұрақтылығына бақылау жасау» тақырыбында бірыңғай ата-аналар жиналысы өтті.

Жиналыста келесі маңызды мәселелер талқыланды:

🔹 Балалардың әлеуметтік желіні қолдануы және олардың психологиялық жағдайына мониторинг жасау:
Мектеп психологтары оқушылардың әлеуметтік желіде қауіпсіздігін қамтамасыз ету, мазасыздық пен көңіл-күй өзгерістерін анықтау тәсілдерін түсіндірді.

🔹 Ата-аналардың бала тәрбиесіндегі рөлі:
Балаға еркіндік бере отырып, оның әлеуметтік желідегі белсенділігі мен қауіпсіздігін бақылаудың маңызы айтылды. Ата-аналарға бала тәрбиесінде түсіністік пен сенімге негізделген қарым-қатынас орнату бойынша кеңестер берілді.

🔹 Оқушылар арасындағы құқық бұзушылықтардың алдын алу:
Мектеп оқушылары арасында келеңсіз оқиғалар болдырмау мақсатында ата-ана мен мектеп арасындағы ынтымақтастықты күшейту қажеттілігі атап өтілді.

📌 Шешімдер:
Жиналыста мектеп пен ата-аналар арасында тұрақты байланыс орнату, балалардың психологиялық жағдайын бақылауды жалғастыру және мектеппен бірлесе жұмыс істеу шешімі қабылданды.

Балаларымыздың қауіпсіздігі мен дамуы үшін бірлесе әрекет етейік!