Бастауыш сынып мұғалімдерінің қашықтықтан оқытудағы іс-тәжірибелері
Бастауыш сынып мұғалімдерінің қашықтықтан оқытудағы
іс-тәжірибелері
Қашықтықтан оқыту -мұғалім мен оқушы арасындағы интернет желілері көмегімен байланыс жасау екені баршамызға мәлім. Сондықтан қазіргі таңда цифрлық құзіреттілігімізді жетілдіру басты орында тұр.Осы ретте қашықтықтан оқыту бойынша әдістемелік нұсқаулықты басшылыққа алудамыз.Бұл салада электронды оқулықтармен, электронды журнал жүйелерімен бұған дейін де жұмыс жасап келсек те, қазіргі кезде жауапты міндет жүктеліп отыр.Десек те қашықтықтан оқу жүйесі қалыпты режимге түсіп,ұстаздар да, ата аналар да, балалар да тез бейімделіп алды. Мектебімізде ұстаздар қауымы оффлайн режимдегі оқыту арқылы дәріс беруде. Нақтырақ айтсақ интернет ресурстары (Whatsapp желісі,электронды пошта, Күнделік kz, Bilimland, Daryn online ,Google classrum платформасы, т.б.) арқылы мұғалім мен оқушы ақпарат алмасып,өзара кері байланыс жасауда.
Артта қалған екі аптада қашықтан оқыту жүйесіне не нәрсе кедергі келтірді? Қандай көмек керек? Осы және т.б. сұрақтар төңірегінде мектеп директоры Абдешова Айжан Ақтілеуқызы 4 сынып мұғалімдерімен онлайн байланыс орнатып, қашықтықтан оқытуды жүргізудің жай-күйімен танысты. 4 сынып жетекшілері қашықтықтан оқытудың барысына тоқталып, нұсқаулыққа сай жүргізіліп жатқандығын,ата-аналар тарапынан қолдау тауып отырғанын, қамтылмай отырған балалардың жоқ екендігін мәлімдеді. Мектеп директоры өз кезегінде қашықтықтан оқыту – әдеттегідей қырық минут көлеміндегі сабақ емес, оның әдіс-тәсілдері, қағидалары да басқа екеніне тоқталды.Сондай ақ осы оқу жылын жақсы аяқтауға тілектес екенін жеткізді.Мектеп директорының осылай бізге сенім артып,қолдап жатқанын сезінудеміз. Бұл сезім ары қарай қызметімізді жауапкершілікпен атқаруға көмектесері сөзсіз.Ұстаздар қауымына тек осындай қолдау қажет! Біз біргеміз.