Тимбилдинг

Тимбилдинг — ұйымшыл ұжым қалыптастыруға, команданың әрбір мүшесі өз орнын табуға және қабілетті барынша дамытуға жағдай жасайтын қазіргі заманғы тәсілдердің бір түрі. Тимбилдингтің барлық түрі еркін бейресми қарым-қатынас жасауды, командада бірге әрекет етуге үйретеді және ұжымдық байланыстарды нығайтуға ықпал етеді.
Бүгін Т.Рысқұлов атындағы №48 орта мектеп жанындағы «Балдәурен» жазғы демалыс лагерінде демалып жүрген балалармен таза ауада тимбилдинг ұйымдастырылды. Тимбилдинг барысында алғашқы ойын топ көшбасшыларымен «Кім ең ұзын?» тақырыпта басталып, көшбасшылардың жылдамдығы сыналды. Содан кейін «Жұппен алға шық», «Жылдам жет», «Шатаспақ», «Допты түсіріп алма» деген ойындар арқылы балалар өз командасы үшін жанкүйер болып, бірге әрекет етуге тырысты. Ойынның балаларға ұнағаны олардың ойын соңында берген кері байланыстарынан байқалды.