«Үздік педагог-2021» конкурсы

Тараз қалалық білім бөлімінің ұйымдастыруымен «Үздік педагог-2021» атағын беру конкурсының І(қалалық) кезеңі өткізілді.

            «Үздік педагог-2021» атағын беру конкурсына жалпы 23 педагог қызметкерлер құжат тапсырып, іріктеуден өткен 13 педагог негізгі кезеңге қатысты. Конкурсты өткізу тәртібі төмендегі талаптардан тұрды:

1. Пән бойынша тест;

2. Шығармашылық жұмыстарын қорғау (электронды портфолио);

3. Оқушылармен өткізілген бейнесабақ және қатысушының жеке ютуб  каналында  кемінде 30 бейнесабақтың жүктелуі;

4. "Менің жүрегімнің мектебі" тақырыбындағы бейнеролик;

5. "Педагог қандай болу керек?" тақырыбындағы эссе;

6. "Менің инновациялық жобам" (білімділік немесе әлеуметтік жобасын қорғау).

            Қазылар алқасының мүшелері конкурсқа қатысушы  үміткерлердің жетістіктерін ескере отырып, конкурс жеңімпаздарын анықтады.

           Нәтижесінде, мектебіміздің химия пәнінің мұғалімі, педагог-зерттеуші Гулдана Рисбаева "Үздік педагог-2021" атағын беру конкурсының І кезеңінің жеңімпазы атанып, жүлделі ІІ орынды иеленді және 50000 теңге сертификат сыйақымен марапатталды. Гулдана - өз ісінің нағыз шебері, өте білімді, жаңашыл, ізденімпаз ұстаз. Шәкірттері де білім бәйгесінде биіктерді бағындырып жүр. Жеңісің құтты болсын! Біз сенімен мақтанамыз, шығармашылық табыс тілейміз!