Ұлттық-қадір қасиеттерге,имандылыққа,үлкенді қадірлеуге,үлкенге құрмет,кішіге ізет атты іс-шара

Т.Рысқұлов атындағы №48 орта мектебінде қаңтар айында 5 «А», 9 «Б» сынып жетекшілерінің ұйымдастыруымен «Қыз ғұмырдың құпиялары» тақырыбында жеңгелер кеңесі өтілді. 

Мақсаты: жаһандану жағдайында қазақтың дәстүрлі отбасындағы қыз балаларға тәрбие берудің ұлттық және заманауи мүмкіндіктерін түсіндіру.

Міндеттері:

    • қыз баланың тұлғалық қалыптасуына қатысты талаптарды нақтылау;

    • қыз тәрбиесіндегі құндылық сапа – «пәктік» ұғымының сырын ұғындыру;

    • халқымыздағы қыз бала тәрбиесі арқылы отбасы бақытын сақтау құпияларымен бөлісу.

     Әр мемлекеттің өз заңы мен дәстүрі болатыны сияқты, әр ұлттың да өз тарихынан жеткен мәдениеті, тағылымдық өнегесі бар. Біз қазақ халқы ұлттық тәрбиемізді жас ұрпаққа мұра ретінде қалдырып, ұрпақтар сабақтастығын сақтау үшін жеңгелермен сырласу кешінде бас қостық. Жеңгелеріміз қыз бала тәрбиесіне қатысты мақал-мәтелдердің мағынасын ашып, «Жаһандану заманында қазақ қыздары қандай болғаны дұрыс?», «Қыздарға қатысты талаптың ең маңыздысы?», «Отбасы бақытының қызға қатысты сырларын аша аламыз ба?» деген сұрақтардың төңірегінде ой бөлісіп, пікірлерін білдірді. Топтарға бөлініп, берілген мәтіндер бойынша  топтық тапсырмалар орындады. Сырласу кешінде жеңгелеріміз жақсы көңіл күй сыйлап, өз кеңестерімен, әсерлерімен бөлісті. 

Сынып жетекшілер: Ж.С.Жантөреева, К.А.Саққұлова