1 қазан қарттар күні

1 қазан қарттар күні мен алдағы келе жатқан ұстаздар мерекесіне орай Т.Рысқұлов атындағы №48 орта мектеп директоры Абдешова Айжан Ақтілеуқызы және мектеп шәкірттері мен ұстаздары ҚР білім беру ісінің үздігі, ардагер ұстаз , Талас ауданының «Құрметті азаматы» Тәжімбетова Манат Әнуарбекқызының отбасына барып, ізгі тілектерін білдіріп, бүлдіршіндер ән орындап, мерейлі мерекемен құттықтап қайтты. Ардагер ұстаз құттықтап келген шәкірттерге естелік әңгімелерін айтып, ризашылығын білдіріп, ақ батасын берді.
Манат Әнуарбекқызы 40жылдан астам уақытын ұстаздық жолға арнаса, соның10 жылын мектеп директорының оқу ісі жөніндегі орынбасары болды. Өзінен кейінгі ізін басып келе жатқан жастарға Манат Әнуарбекқызының ұстаздық жолы үлгі- өнеге
Тәлім -тәрбие алған шәкірттері республикамыздың түкпір-түкпірінде қызмет етсе, ұстаздық жолда тәрбиелеген мұғалімдері - бүгінгі таңда мектебіміздің мақтаныштары.
Ұстаздық жолда шығармашылықпен қажымай еңбек еткен ардагер ұстаз күні бүгінге дейін өзі қызмет еткен мектебінен қол үзбей, тығыз байланыс жасап, жастарға ақыл-кеңесін беріп отырады.