«Адалдық дүкені» - тәрбие мекені.
«Адалдық дүкені» - тәрбие мекені.
Елімізде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен сыбайлас жемқорлықтың алдын алу мақсатында бірқатар жобалар жүзеге асырылу үстінде. Соның бірі, «Адалдық дүкенін» ашу бастамасы.
Жобаның басты мақсаты - қоғамда сенім атмосферасын қалыптастыру және жастарға өздерін жақсы, адал адам ретінде тануға мүмкіндік беру.
«Адалдық дүкенінде» оқушылар өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысатын болады. Яғни, дүкенде сатушы жоқ, затты сатып алушылар өздеріне-өздері қызмет көрсетеді. Сауда орнының басты ерекшелігі де осында.
Бұл жоба жастардың тәрбиесі мен адалдығын арттыруға бағытталған. Осылайша, бұл оқушылардың да әлеуметтік жауапкершілігін шыңдайтын орынға айналуда. Сондай-ақ, «Сыбайлас жемқорлыққа қарсы иммунитетті» қалыптастыруға әсер ететін нысан болып табылады.
Бұл дүкен жасөспірімдердің жағымды моральдық қасиеттерін, соның ішінде ішкі парасаттылық пен адалдыққа тәрбиелеуге бағытталды.
«Адалдық дүкенінің» - тәрбие мекені болатынына сеніміміз мол.
